कोणता ना कोणता व्यत्यय असू दे
ही उदासीची छटा अक्षय असू दे
ही उदासीची छटा अक्षय असू दे
मी रसातळ गाठण्यावर ठाम आहे
शक्य तितका काळही निर्दय असू दे
शक्य तितका काळही निर्दय असू दे
सर्व टोलेजंग वास्तू पाड इथल्या
तेवढे हे भग्न देवालय असू दे
तेवढे हे भग्न देवालय असू दे
शांतता बाहेरची संत्रस्त करते
आतल्या दंग्यात मन तन्मय असू दे
आतल्या दंग्यात मन तन्मय असू दे
भाव खालावेल सूर्यास्ताबरोबर
तळपता तोवर सुरू विक्रय असू दे
तळपता तोवर सुरू विक्रय असू दे