तीन गझला
नका चिंता करू शनिवार असताना
इथे सारेच कर्तबगार असताना
इथे सारेच कर्तबगार असताना
इथे थांबून जमते तेवढे मिळवू
कुठे भटकायचे घरदार असताना
कुठे भटकायचे घरदार असताना
किती चालायचे रेषेत एका मी
इथे रस्ताच वक्राकार असताना
इथे रस्ताच वक्राकार असताना
कसे शोभेल आपण मोडणे आता
ठरत आल्यापरी व्यवहार असताना
ठरत आल्यापरी व्यवहार असताना
नको बाहेर पडणे आणि गारठणे
पुरेसा कोष हा उबदार असताना
पुरेसा कोष हा उबदार असताना
परत जाऊ नको तू रिक्त हातांनी
उभा डोळ्यांपुढे बाजार असताना
उभा डोळ्यांपुढे बाजार असताना
तुला टाळायचा ज्वर का बरे येतो
मला भेटायचा आजार असताना
मला भेटायचा आजार असताना
किती तो जीवनाशी वाटतो समरस
व्यथांची पालखी निघणार असताना
व्यथांची पालखी निघणार असताना
तुझ्या शर्थीमुळे तर हा दिवस दिसला
कुठे लपलास तू सत्कार असताना
कुठे लपलास तू सत्कार असताना
उरकल्यासारखे का वाटते जगणे
पुढे कित्येक सोपस्कार असताना
पुढे कित्येक सोपस्कार असताना
-------------------
होणे नाही इथून पुढचे बदल वाटते
एवढीच होती का अपुली मजल वाटते
एवढीच होती का अपुली मजल वाटते
कुठेतरी एखादी कळ उठलीच पाहिजे
कुठेच नाही दुखले तर मग नवल वाटते
कुठेच नाही दुखले तर मग नवल वाटते
प्रथम प्रयत्नामधेच संधी हुकली होती
उगाच मग मन खात राहिले उचल वाटते
उगाच मग मन खात राहिले उचल वाटते
कसल्या वैराग्याचे सावट जग पांघरते
जितके उन्नत होते तितके विफल वाटते
जितके उन्नत होते तितके विफल वाटते
जाताना तर नव्हते इतके नीटनेटके
खूपच मोठी झाली अदलाबदल वाटते
खूपच मोठी झाली अदलाबदल वाटते
अकस्मात वातावरणाचा नूर बदलला
ह्याही गावी आली तुमची सहल वाटते
ह्याही गावी आली तुमची सहल वाटते
--------------------
जगाचे लाड साला खूप झाले
उभे कापू जगाला....खूप झाले
उभे कापू जगाला....खूप झाले
जमत नाही तुला तर धाड दुसरा
मला कोरम मिळाला खूप झाले
मला कोरम मिळाला खूप झाले
कुणाला हौस आहे सिक्स पॅक्ची
जरासा घाम आला खूप झाले
जरासा घाम आला खूप झाले
जमीनीची कदाचित खैर नाही
उचलणारे नभाला खूप झाले
उचलणारे नभाला खूप झाले
तुझे कर्तृत्व नव्हते फार काही
तुझा उल्लेख झाला खूप झाले
तुझा उल्लेख झाला खूप झाले
-----------------